Kinderfreizeit Gülle-Mühle

Medde in de Noacht…

Die "Schwarze Fahrkarte" auf der Kinderfreizeit Gülle-Mühle aus Sicht zweier Anwohner:

"Psst-ßsst, Kall?!?"

"Mmhm…"

"Kall, du wach-emo uff - heerst du des aa?"

"Mmh - wos donn?"

"A des Audo drauß uff de Gass' - medde in de Noacht!"

"Des heer isch aa - nadierlisch. Dem soin Ausbuf schoint e Wink gabutt' ze soi."

"Kall, isch soag der, des is schunn die dritt' Noacht, wou der oukummt. Der kummt dohergekleppert, stellt soin Waache dribbe on die Kersch, donn heer isch, wie die Deern leise zugedriggt wern, e wink leis Gebischbel - un donn wird's ruisch… - Kall, des wird mer uunhoimlich…"

"A Gretsche, do muss isch doch grod mo om Fenster luhnze!"

"Ewwer nit on die Vorhäng kumme, Kall, nit doss de g'säihe werst!"

"Du, Gretsche, gäih-emo schnell her, guck-emo, des sinn jo Fremme! Dere ern Vauwee-Bus hot ja'n 'dee-a' uff de Nummer staih…"

"Achtung! Ähwe staie se aus."

"Gretsche! Do sinn ja Kinn debai - unn denne häwwe se die Aache verbunne!!"

"Zwaa Männer unn oa Fraa. Woas wern donn die mit de Kinn wolle?? - Jetzt bischbele se mit denne unn nemme ehne die Aachebinne ob."

"Un de oa Grouß hot e Brääd un e Dasch debei."

"Kall! Die gäihn ja den Poad zum Felsegroab nuff! Un die Kinn misse vorne weg laafe! - Kall, ob mer die Bolizei ruffe solle?"

"Ach - Gretsche, isch waaß net. Weil, weil - die Kinn sinn sou ruisch g'wäse. Des konn doch koa Entfihrung soi - orrer?"

"Kall, isch soag der: schunn die dritt Noacht! Un alle Noacht oanner Kinn!! Ich will mer hinnenoach koa Vorwerf moache misse." -

"Guck-emo, jetz' wird's druwwe hell. Om Oigang vum Felsegroab - do schont e Kerz orrer e Fackel ze brenne. - Wos wern donn die do druwwe dragdiern?? Kall, ob mer nit doch die Bolizei ruffe? Ich häb' do koa gut G'fihl…"

Gerrit Langenbruch